குடும்பத்துடன் கேக் வெட்டி பிறந்தநாள் கொண்டாடிய மு.க.ஸ்டாலின்

முதல்வர் மு.க.ஸ்டாலின் தனது குடும்பத்துடன் கேக் வெட்டி இன்று தனது பிறந்தநாளைக் கொண்டாடினார். 

மனைவி துர்கா, மகன் உதயநிதி, மருமகள் கிருத்திகா மற்றும் பேரக்குழந்தைகளுடன் தனது 69வது பிறந்தநாளை மு.க.ஸ்டாலின் கொண்டாடினார். 

முதல்வர் மு.க.ஸ்டாலின் இன்று (மார்ச் 1) தனது 69வது பிறந்தநாளைக் கொண்டாடுகிறார். அதனையொட்டி தனது இல்லத்தில் குடும்ப உறுப்பினர்களுடன் முதல்வர் மு.க.ஸ்டாலின் கேக் வெட்டி பிறந்தநாளைக் கொண்டாடினார். 

தனது பிறந்தநாளையொட்டி மெரீனாவிலுள்ள கருணாநிதி, அறிஞர் அண்ணா நினைவிடங்களில் மலர் தூவி மரியாதை செலுத்தினார். அதனைத் தொடர்ந்து பெரியார் திடலுக்கு சென்ற முதல்வர் ஸ்டாலின் பெரியார் நினைவிடத்திலும்  மரியாதை செலுத்தினார். 

படிக்க | மு.க.ஸ்டாலின் பிறந்தநாள்: தலைவர்கள் வாழ்த்து

பிறந்தநாளையொட்டி சென்னை கலைவாணர் அரங்கில் மாணவர்கள், இளைஞர்களுக்கானத் திறன் மேம்பாட்டுத் திட்டங்களை முதல்வர் தொடக்கி வைத்தார்.