சென்னையில் ஆபரணத் தங்கத்தின் விலை சவரனுக்கு ரூ.80 குறைந்து ஒரு சவரன் ரூ.41,824 ஆக விற்பனை செய்யப்படுகிறது. 

தங்கம் விலை அவ்வப்போது ஏற்ற இறக்கம் கண்டு வருவது தொடர்ந்து நிகழ்ந்து வரும் ஒன்றாக இருந்தாலும், கடந்த சில வாரங்களாக  தங்கத்தின் விலை ஏற்றம் கண்டு வருகிறது. கடந்த வாரத்தில் அதிகபட்சமாக டிச.12 ஆம் தேதி ஒரு சவரன் தங்கம் ரூ.40,360-க்கும், டிச.14 ஆம் தேதி ஒரு சவரன் ரூ.40,800 ஆக விற்பனை செய்யப்பட்டது. பின்னர், திடீரென டிச.31 ஆம் தேதி ஒரு சவரன் ரூ.41,040 ஆக உயர்ந்து விற்பனை செய்யப்பட்டது. பிறகு கடந்த ஒரு வாரத்திற்கு மேலாக தங்கத்தின் விலை தொடர்ந்து அதிகரித்து வருகிறது. 

இந்நிலையில், 2023 -ம் ஆண்டுக்கான வர்த்தகம் தொடங்கிய முதல் நாளில் இருந்து ஏற்றம் கண்டுவரும் நிலையில் (ஜன.5) இன்று சற்று குறைந்துள்ளது. 

சென்னையில் 22 கேரட் ஆபரணத் தங்கத்தின் விலை கிராமுக்கு ரூ.10 குறைந்து ஒரு கிராம் தங்கம் ரூ.5,228 ஆக விற்பனை செய்யப்படுகிறது. இதன்மூலம் சவரனுக்கு ரூ.80 குறைந்து ஒரு சவரன் ரூ.41,824 ஆக விற்பனை செய்யப்படுகிறது.

படிக்க: இறுதி வாக்காளர் பட்டியல் வெளியீடு: தமிழகத்தில் 6.20 கோடி வாக்காளர்கள்!

அதேசமயம், வெள்ளியின் விலை கிராமுக்கு ரூ.1 குறைந்து ரூ.74.00 ஆகவும், ஒரு கிலோவுக்கு ரூ.1000 குறைந்து ரூ.74,000 ஆக விற்பனை செய்யப்படுகிறது. 

தங்கத்தின் விலை நாளுக்கு நாள் உயர்ந்து வருவதால், நகைப்பிரியர்களுக்கும் மட்டுமின்றி சாமானியர்களுக்கும் பெரும் கவலைக்குரிய விஷயமாக மாறியுள்ளது.