தங்கம் விலை மீண்டும் அதிரடி உயர்வு: மக்கள் கவலை!

சென்னையில் ஒரு சவரன் தங்கம் விலை 44 ஆயிரத்தைக் கடந்து விற்பனை செய்யப்படுகிறது. 

தங்கம் விலை உயர்வதும், குறைவதும் அவ்வப்போது நிகழ்ந்து வரும் ஒன்றாக இருந்தாலும், கடந்த ஏப்ரலில் இருந்தே தொடர்ந்து ஏற்றத்துடன் இருந்து வருகிறது.

அதன்படி, சென்னையில் வாரத்தின் நான்காவது நாளான இன்று காலை நிலவரப்படி ஒரு சவரன் தங்கத்தின் விலை ரூ.296 உயர்ந்து ரூ.44,296-க்கும், ஒரு கிராம் ரூ.37 உயர்ந்து, ரூ5,537-க்கும் விற்பனை செய்யப்படுகிறது. 

படிக்க: டி.ராஜேந்தர் குரலில் மார்க் ஆண்டனி முதல் பாடல்!

அதேசமயம், வெள்ளியின் விலை சற்று அதிகரித்துள்ளது. அதன்படி ஒரு கிராம் ரூ.2.50 உயர்ந்து ரூ.79.50-க்கும், கட்டி வெள்ளி ஒரு கிலோ ரூ.79,500-க்கும் விற்பனை செய்யப்படுகிறது.