10 மற்றும் 11 ஆம் வகுப்பு துணைத்தேர்வு ஹால் டிக்கெட்டை வரும் ஜூன் 20 ஆம் தேதி முதல் பதிவிறக்கம் செய்துகொள்ளலாம் என அரசுத் தேர்வுகள் துறை இயக்ககம் தெரிவித்துள்ளது.

தமிழ்நாட்டில் 10 மற்றும் 11 ஆம் வகுப்பு பொதுத்தேர்வு முடிவுகள் கடந்த மே 19 ஆம் தேதி வெளியாகின.

10 ஆம் வகுப்பு தேர்வில் தமிழ்நாடு முழுவதும் 91.39 % மாணவ, மாணவிகள் தேர்ச்சி பெற்றனர். அதுபோல 11 ஆம் வகுப்பு பொதுத்தேர்வில் 90.93 சதவிகிதம் மாணவ, மாணவிகள் தேர்ச்சி பெற்றனர். 

இந்நிலையில், 10, 11 ஆம் வகுப்பில் தேர்ச்சி அடையாத மாணவ, மாணவிகள் மே 23 ஆம் தேதி முதல் மே 27 ஆம் தேதி வரை துணைத் தேர்வுக்கு விண்ணப்பிக்கலாம் என்றும் ஜூன் 27 முதல் ஜூலை 4 ஆம் தேதி வரை துணைத்தேர்வு நடைபெற உள்ளதாகவும் அரசுத் தேர்வுகள் துறை இயக்ககம் தெரிவித்திருந்தது. 

இதையடுத்து 10 மற்றும் 11 ஆம் வகுப்பு துணைத் தேர்வுக்கான நுழைவுச்சீட்டு(ஹால் டிக்கெட்) ஜூன் 20 ஆம் தேதி முதல் பள்ளிக்கல்வித்துறையின் https://www.dge.tn.gov.in/ என்ற இணையதளத்தில் பதிவிறக்கம் செய்துகொள்ளலாம். 

இதையும் படிக்க | நீட் தேர்வு விலக்கு: மத்திய அரசுக்கு 2-3 நாட்களில் பதில் - மா.சுப்பிரமணியன்