குடியரசுத் தலைவர் திரௌபதி முர்முவுக்கு தமிழ்நாடு முதல்வர் மு.க.ஸ்டாலின் பிறந்தநாள் வாழ்த்துத் தெரிவித்துள்ளார். 

குடியரசுத் தலைவர் திரௌபதி முர்மு இன்று தனது 65 ஆவது பிறந்தநாளைக் கொண்டாடுகிறார். இதையொட்டி அரசியல் தலைவர்கள் பலரும் அவருக்கு வாழ்த்துத் தெரிவித்து வருகின்றனர். 

அந்தவகையில்  முதல்வர் மு.க.ஸ்டாலின் தனது ட்விட்டர் பக்கத்தில், 'குடியரசுத் தலைவர் திரௌபதி முர்முவுக்கு பிறந்தநாள் வாழ்த்துகள். நல்ல உடல்நலத்துடனும் மகிழ்ச்சியுடனும் வாழவும் பொது வாழ்க்கைக்கு ஊக்கமளிக்கும் வகையில் வாழ்த்துகிறேன்' என்று பதிவிட்டுள்ளார். 

முன்னதாக பிரதமர் நரேந்திர மோடியும் தனது வாழ்த்துகளைத் தெரிவித்திருந்தார். 

அவர் தனது பதிவில், குடியரசுத் தலைவருக்கு பிறந்தநாள் வாழ்த்துக்கள். நமது மக்களின் நலனுக்கான அறிவு, கண்ணியம் மற்றும் அர்ப்பணிப்பு ஆகியவற்றின் கலங்கரை விளக்கமாக, தேசத்தின் முன்னேற்றத்திற்கு அவர் மேற்கொண்ட முயற்சிகளுக்காக அவர் பாராட்டப்படுகிறார். அவரது அர்ப்பணிப்பு நம் அனைவருக்கும் தொடர்ந்து ஊக்கமளிக்கிறது. அவர் நல்ல ஆரோக்கியத்துடன் நீண்ட ஆயுளுடன் வாழ வாழ்த்துகிறேன்' என்று கூறியிருந்தார்.