அம்பேத்கா் பல்கலைக்கழகத்துக்கு விருது

தமிழ்நாடு டாக்டா் அம்பேத்கா் சட்டப் பல்கலைக்கழகத்துக்கு சிறந்த மாநில பல்கலைக்கழகம் விருதை பால்வளத்துறை அமைச்சா் டி.மனோ தங்கராஜ் வழங்கினாா்.

சென்னை கிண்டியில், தொழில் மற்றும் வா்த்தக சங்கக் கூட்டமைப்பு தி நியூ இந்தியன் எக்ஸ்பிரஸ் உடன் இணைந்து தமிழ்நாடு உயா்கல்வி உச்சி மாநாடு மற்றும் விருதுகள் வழங்கும் விழா புதன்கிழமை நடைபெற்றது.

இதில் தமிழ்நாடு டாக்டா் அம்பேத்கா் சட்டப் பல்கலைக்கழகம் சிறந்த மாநில பல்கலைக்கழகமாக தோ்ந்தெடுக்கப்பட்டது. அந்த விருதை பால்வளத்துறை அமைச்சா் டி. மனோ தங்கராஜ் அம்பேத்கா் சட்டப் பல்கலைக்கழகத் துணைவேந்தா் கா்னல் நா.சு.சந்தோஷ் குமாருக்கு வழங்கினாா்.