புதிதாக பதவியேற்ற மற்றும் துறைகள் மாற்றப்பட்ட அமைச்சர்கள் முதல்வர் மு.க.ஸ்டாலினை நேரில் சந்தித்து வாழ்த்துப் பெற்றனர்.

தமிழ்நாடு அமைச்சரவையில் மாற்றம் செய்யப்பட்டுள்ளது. பால்வளத்துறை அமைச்சராக இருந்த நாசர் அமைச்சரவையில் இருந்து நீக்கப்பட்டு டிஆர்பி ராஜா அமைச்சரவையில் புதிதாக இடம்பெற்றுள்ளார். 

இந்நிலையில் துறைகள் மாற்றப்பட்ட அமைச்சர்கள் மற்றும் புதிதாக பதவியேற்ற டிஆர்பி ராஜா, இன்று தலைமைச் செயலகத்தில் முதல்வர் மு.க.ஸ்டாலினை நேரில் சந்தித்து வாழ்த்து பெற்றனர். 

நிதி மற்றும் மனிதவள மேலாண்மைத் துறை அமைச்சர் தங்கம் தென்னரசு, தமிழ் வளர்ச்சி மற்றும் செய்தித் துறை அமைச்சர் சாமிநாதன், தகவல் தொழில்நுட்பவியல் மற்றும் டிஜிட்டல் சேவைகள் துறை அமைச்சர் பிடிஆர் பழனிவேல் தியாகராஜன், பால்வளத்துறை அமைச்சர் மனோ தங்கராஜ், புதிதாக பொறுப்பேற்றுக் கொண்ட தொழில், முதலீட்டு ஊக்குவிப்பு மற்றும் வர்த்தகத் துறை அமைச்சர் டிஆர்பி ராஜா ஆகியோர் முதல்வரை சந்தித்து வாழ்த்துப் பெற்றனர். 

இதையும் படிக்க | அமைச்சரான மகன் டிஆர்பி ராஜா! என்ன சொல்கிறார் டி.ஆர். பாலு?