நாட்டிலேயே 2வது பெரிய பொருளாதார மாநிலம் தமிழ்நாடு: முதல்வர் ஸ்டாலின்

நாட்டிலேயே 2வது பெரிய பொருளாதார மாநிலமாக தமிழ்நாடு உள்ளது என முதல்வர் ஸ்டாலின் பெருமிதம் தெரிவித்துள்ளார்.

சிப்காட் பெண் பணியாளர்களுக்காக கட்டப்பட்டுள்ள பிரமாண்ட குடியிருப்பை முதல்வர் ஸ்டாலின் இன்று திறந்து வைத்தார். அப்போது அவர் நிகழ்ச்சியில் பேசியதாவது, 2023-24இல் இந்தியாவின் ஜிடிபியில் 1.19% பங்களிப்போடு 2வது பெரிய பொருளாதார மாநிலமாக உள்ளது.

தொழில் வளர்ச்சியில்தான் பொருளாதாரம் முன்னேறும் என்பதால் அதில் தனி கவனம் செலுத்தப்படுகிறது. தமிழ்நாட்டில் 39,000க்கும் மேற்பட்ட தொழிற்சாலைகள் உள்ளன. தமிழ்நாட்டில் தொழிற்பூங்காக்கள் இல்லாத மாவட்டங்களில் புதிதாக அமைக்க நடவடிக்கை எடுக்கப்படும்.

தமிழ்நாட்டில் தொழிற்சாலையில் பணிபுரியும் பெண் தொழிலாளர்களின் எண்ணிக்கை அதிகமாகும். தெற்காசியாவில் முன்னணி மாநிலமாக தமிழ்நாட்டை உருவாக்க செயலாற்றி வருகிறோம். தொழில் முதலீட்டு ஊக்குவிப்பு மூலம் 1 டிரில்லியின் டாலர் இலக்கை எட்டுவோம். இவ்வாறு அவர் குறிப்பிட்டார்.