விழுப்புரத்தில் பராமரிப்பு: ரயில் சேவையில் மாற்றம் -முழு விவரம்

விழுப்புரம் ரயில் நிலையத்தில் பராமரிப்பு பணிகள் நடைபெறவுள்ளதால் ஆகஸ்ட் 29 முதல் செப்டம்பர் 2 வரை ரயில் சேவையில் மாற்றம் செய்யப்பட்டுள்ளதாக தெற்கு ரயில்வே திங்கள்கிழமை அறிவித்துள்ளது.

புதுச்சேரி - விழுப்புரம் இடையேயான மெமு ரயில், இரு வழித்தடங்களிலும் செப்டம்பர் 1-ஆம் தேதி முழுமையாக ரத்து செய்யப்படுவதாக தெரிவிக்கப்பட்டுள்ளது.

அதேபோல், திருவாரூரில் இருந்து விழுப்புரத்துக்கு மாலை 3.10 மணிக்கு புறப்படும் பயணிகள் ரயில்(06690) செப். 1ஆம் தேதி முழுவதுமாக ரத்து செய்யப்பட்டுள்ளது.

பகுதியளவு ரத்து செய்யப்பட்ட ரயில்கள் விவரம்:

1. ரயில் எண். 17655, காக்கிநாடா - புதுச்சேரி விரைவு ரயில், செப். 1ஆம் தேதி செங்கல்பட்டு ரயில் நிலையத்துடன் நிறுத்தப்படும். செப். 2ஆம் தேதி செங்கல்பட்டில் இருந்து காக்கிநாடாவுக்கு பிற்பகல் 3.30 மணிக்கு புறப்படும்.

2. ரயில் எண். 17653, காச்சிகூடா - புதுச்சேரி விரைவு ரயில், செப். 1ஆம் தேதி செங்கல்பட்டு ரயில் நிலையத்துடன் நிறுத்தப்படும். செப். 2ஆம் தேதி செங்கல்பட்டில் இருந்து காச்சிகூடாவுக்கு பிற்பகல் 3.55 மணிக்கு புறப்படும்.

3. ரயில் எண். 22673, பகத் கி கோதி - மன்னார்குடி அதிவிரைவு ரயில், ஆக. 29ஆம் தேதி விழுப்புரத்துடன் நிறுத்தப்படும்.

4. ரயில் எண். 06025, சென்னை எழும்பூர் - புதுச்சேரி மெமு ரயில், ஆக. 31 மற்றும் செப். 1 ஆகிய தேதிகளில் முண்டிப்பாக்கத்துடன் நிறுத்தப்படும்.

5. ரயில் எண். 16868, திண்டுக்கல் - விழுப்புரம் விரைவு ரயில், ஆக. 31 மற்றும் செப். 2 ஆகிய தேதிகளில் விருதாச்சலத்துடன் நிறுத்தப்படும். மீண்டும் விருதாச்சலத்தில் இருந்து மாலை 5.50 மணிக்கு புறப்படும்.

6. ரயில் எண். 16111, திருப்பதி - புதுச்சேரி மெமு விரைவு ரயில், ஆக. 31 மற்றும் செப். 2 ஆகிய தேதிகளில் விக்கிரவாண்டியுடன் நிறுத்தப்படும்.

7. ரயில் எண். 06697, காட்பாடி - விழுப்புரம் மெமு ரயில், செப். 1ஆம் தேதி வெங்கடேஷபுரத்துடன் நிறுத்தப்படும்.

8. ரயில் எண். 06699, காட்பாடி - விழுப்புரம் மெமு ரயில், செப்.1ஆம் தேதி வெங்கடேஷ்புரத்துடன் நிறுத்தப்படும்.