பிப்.22 வரை தமிழக சட்டப்பேரவைக் கூட்டம்!

தமிழக சட்டப்பேரவையில் பட்ஜெட் கூட்டத்தொடர் இன்று காலை 10 மணிக்கு தொடங்கியது. ஆண்டின் முதல் கூட்டம் என்பதால் தமிழக ஆளுநர் ஆர்.என்.ரவி உரையாற்றினார்.

ஆனால், அரசு தயாரித்து கொடுத்த கொள்கை உரையில் உடன்பாடு இல்லை எனத் தெரிவித்த ஆளுநர், 2 நிமிடங்களில் உரையை முடித்து இருக்கையில் அமர்ந்தார்.

இந்த நிலையில், பிப்ரவரி 22-ஆம் தேதி வரை தமிழக சட்டப்பேரவையின் பட்ஜெட் கூட்டத்தொடர் நடைபெறும் என்று பேரவைத் தலைவர் அப்பாவு தெரிவித்துள்ளார்.

மேலும், பிப். 13 மற்றும் 14-ஆம் தேதிகளில் ஆளுநர் உரை மீது விவாதமும், 15-ஆம் தேதி பதிலுரையும் நடைபெறும் என்று அறிவிக்கப்பட்டுள்ளது.

பிப். 19-ஆம் தேதி 2024-25ஆம் ஆண்டுக்கான நிதிநிலை அறிக்கையும், 20-ஆம் தேதி வேளாண் நிதிநிலை அறிக்கையும் தாக்கல் செய்யப்படவுள்ளது.