திராவிட முன்னேற்ற கழகத்தின் தலைமை முகவர்கள் மற்றும் வாக்கு எண்ணிக்கை முகவர்கள் ஆலோசனைக் கூட்டம் ஜூன் 1-ஆம் தேதி நடைபெறும் என்று அறிவிக்கப்பட்டுள்ளது.

நாடு முழுவதும் ஜூன் 4-ஆம் தேதி மக்களவைத் தேர்தலுக்கான வாக்கு எண்ணிக்கை நடைபெறவுள்ள நிலையில், திமுக பொதுச் செயலாளர் துரைமுருகன் அறிக்கை வெளியிட்டுள்ளார்.

அதில், திமுக தலைவர் மு.க.ஸ்டாலின் அறிவுறுத்தலின்படி, ”ஜூன் 1-ஆம் தேதி காலை 11 மணிக்கு அமைப்புச் செயலாளர் ஆர்.எஸ். பாரதி தலைமையில் காணொலி வாயிலாக திமுக மாவட்டச் செயலாளர்கள், வேட்பாளர்கள், தலைமை முகவர்கள், வாக்கு எண்ணிக்கை முகவர்களின் ஆலோசனைக் கூட்டம் நடைபெறவுள்ளது.

இந்த கூட்டத்தில், திமுக சட்டத்துறை செயலாளர் என்.ஆர்.இளங்கோ, வாக்கு எண்ணிக்கையின்போது கடைபிடிக்க வேண்டியவை குறித்து ஆலோசனை வழங்குவார்” என்று தெரிவிக்கப்பட்டுள்ளது.