தீபாவளி பண்டிகை முடிந்து சென்னை திரும்புவோருக்கு வசதியாக சிறப்பு ரயில் சேவையை தெற்கு ரயில்வே புதன்கிழமை அறிவித்துள்ளது.

திருநெல்வேலியில் இருந்து தாம்பரத்துக்கு நவ. 3 ஞாயிற்றுக்கிழமை மாலை 4 மணிக்கு புறப்படும் சிறப்பு ரயில், அடுத்த நாள் காலை 4.10 மணிக்கு தாம்பரம் வந்தடையும்.

அதேபோல், மீண்டும் தாம்பரத்தில் இருந்து நவ. 4 திங்கள்கிழமை பிற்பகல் 2.30 மணிக்கு புறப்படும் சிறப்பு ரயில், நெல்லைக்கு மறுநாள் காலை 5.15 மணிக்கு சென்றடையும்.

இதையும் படிக்க : தென்மாவட்டங்களுக்கு தீபாவளி சிறப்பு ரயில் அறிவிப்பு: இன்று முன்பதிவு தொடக்கம்

இந்த ரயிலுக்கான முன்பதிவு தொடங்கிவிட்டதாகவும், ஆன்லைன் மூலமாகவும், நேரடியாக ரயில் நிலைய முன்பதிவு அலுவலகங்களில் பயணச்சீட்டை பெறலாம் எனத் தெரிவிக்கப்பட்டுள்ளது.

தென்காசி, மதுரை, திருச்சி, அரியலூர், விழுப்புரம் வழியாக இந்த ரயில் இயக்கப்படவுள்ளது குறிப்பிடத்தக்கது.