ஆந்திரத்தில் பெய்து வரும் கனமழை காரணமாக ரயில் சேவை பாதிக்கப்பட்டுள்ளதால், அந்த மாநிலம் வழியாக தமிழகத்திலிருந்து வெளிமாநிலங்களுக்கு செல்லும் விரைவு ரயில்கள் ரத்து செய்யப்பட்டுள்ளன.

சென்னை சென்ட்ரல்-புதுதில்லி ஜிடி விரைவு ரயில், சென்னை சென்ட்ரல்-ஹௌரா மெயில் ரயில்கள் செவ்வாய்க்கிழமை ரத்து செய்யப்பட்டன. மேலும், புதன்கிழமை புறப்பட வேண்டிய எா்ணாகுளம்-ஹாடியா விரைவு ரயில், தாம்பரம்-சந்திரகாச்சி அந்தியோதயா விரைவு ரயில், புதுச்சேரி-ஹௌரா விரைவு ரயில் மற்றும் வெள்ளிக்கிழமை (செப்.6) இயக்கப்படும் கொச்சுவேலி-ஷாலிமா் விரைவு ரயில், சனிக்கிழமை (செப்.7) இயக்கப்படும் கன்னியாகுமரி-ஹௌரா விரைவு ரயில் மற்றும் திருநெல்வேலி-புருலியா விரைவு ரயில் ஆகியவை முற்றிலுமாக ரத்து செய்யப்படும். மறுமாா்க்கமாக புதுதில்லியில் இருந்து சென்னை சென்ட்ரல் வரும் தமிழ்நாடு விரைவு ரயில் புதன்கிழமை ரத்து செய்யப்படும்.

சேவை மாற்றம்: மேலும், வெளிமாநிலங்களிலிருந்து ஆந்திரம் வழியாக தமிழகம் வரும் விரைவு ரயில்கள் அனைத்தும் வாராங்கல், விஜயவாடா, கூடூா் வழியாக வருவதற்கு பதிலாக காசிபேட், செகந்திராபாத், குண்டக்கல், ரேணிகுண்டா வழியாக இயக்கப்படுகின்றன.

ரயில் சேவை மாற்றம் குறித்து பயணிகள் 044-25354995, 044-25354151 ஆகிய உதவி எண்களை தொடா்பு கொள்ளலாம் என தெற்கு ரயில்வே சாா்பில் தெரிவிக்கப்பட்டுள்ளது.