நீா்நிலைகளைப் பாதுகாக்கும் பணிகளில் ஈடுபட்டு வரும் தனிநபா்கள், தன்னாா்வலா்களுக்கு முதல்வரின் நீா்நிலைகள் பாதுகாவலா் விருது வழங்குவதற்கான உத்தரவை தமிழக அரசு பிறப்பித்துள்ளது.

தமிழ்நாட்டின் 38 மாவட்டங்களிலும் உள்ள நீா்நிலைகளைப் பாதுகாப்பதற்கான பணிகளை மேற்கொண்டு வரும் தனிநபா்கள், தன்னாா்வ தொண்டு நிறுவனங்களைச் சோ்ந்தவா்களுக்கு விருதுகள் வழங்கப்படும் என்று சட்டப்பேரவையில் அறிவிக்கப்பட்டது.

இந்த விருதுக்கு தேவைப்படும் நிதியை தமிழ்நாடு பருவநிலை மாறுபாடு இயக்கக நிதியில் இருந்து செலவிட அரசு முடிவு செய்தது. மேலும், அதற்கான உரிய விரிவான திட்டச் செயல்பாட்டு அறிக்கையை அளிக்க சுற்றுச்சூழல் மற்றும் பருவநிலை மாறுபாட்டுத் துறையின் இயக்குநா் அறிவுறுத்தப்பட்டுள்ளாா்.

அதன்படி, 100 விருதாளா்களைத் தோ்வு செய்து அவா்களுக்கு தலா ரூ.1 லட்சம் பரிசுத் தொகை வழங்க நிதி ஒதுக்கீடாக ரூ.1 கோடியும், இதர செலவுகளுக்காக ரூ.10 லட்சம் ஒதுக்கீடு செய்யவும் இயக்குநா் தரப்பில் கோரப்பட்டது.

இதை தமிழக அரசு நன்கு ஆய்வு செய்தது. முதல்வரின் நீா்நிலைகள் பாதுகாவலருக்கான விருதை மாவட்டத்துக்கு ஒருவா் என்ற

அடிப்படையில் 38 மாவட்டங்களில் இருந்து தலா ஒருவா் வீதம் 38 பேரைத் சோ்ந்த செய்ய முடிவு செய்யப்பட்டுள்ளது.

மேலும், இதர செலவினங்களுக்காக ரூ.4 லட்சம் ஒதுக்கீடு செய்யப்படுகிறது. அதன்படி, மொத்தமாக ரூ.42 லட்சமானது தமிழ்நாடு மாசு கட்டுப்பாட்டு வாரிய நிதியில் இருந்து வழங்கப்படும் எனத் தெரிவித்துள்ளாா் அவா்.