மக்கள் நீதி மய்யம் கட்சியின் பொதுக்குழுக் கூட்டம் அக்கட்சியின் தலைவர் கமல் ஹாசன் தலைமையில் இன்று காலை தொடங்கி நடைபெற்று வருகிறது.

சென்னை தேனாம்பேட்டையில் உள்ள காமராஜர் அரங்கில் நடைபெற்று வரும் கூட்டத்தில் 1,414 பொதுக்குழு உறுப்பினர்கள், சிறப்பு அழைப்பாளர்கள் என மொத்தம் 2,500-க்கும் மேற்பட்டோர் கலந்து கொண்டுள்ளனர்.

கூட்டத்திற்கு வந்த கமல் ஹாசனுக்கு சிறப்பு வரவேற்பு அளிக்கப்பட்டது.

42 நாட்களுக்குப் பிறகு போராட்டத்தை கைவிட்டு இளம் மருத்துவா்கள் பணிக்குத் திரும்பினர்

பொதுக்குழுக் கூட்டத்தில் முக்கிய தீர்மானங்கள் நிறைவேற்றப்பட்டுள்ளன.

இதில், முதலில் கட்சியின் தலைவராக மீண்டும் கமல் ஹாசன் தேர்வு செய்யப்பட்டுள்ளதற்கான தீர்மானம் நிறைவேற்றப்பட்டது. பொதுக்குழு உறுப்பினர் ஸ்ரீப்ரியா தீர்மானத்தை முன்மொழிய, ஒருமனதாக ஏற்றுக்கொள்ளப்பட்டது.

தொடர்ந்து, மத்திய அரசு ஒப்புதல் அளித்துள்ள ஒரே நாடு, ஒரே தேர்தல் முறைக்கு எதிராக கூட்டத்தில் தீர்மானம் நிறைவேற்றப்பட்டுள்ளது.

தமிழ்நாட்டுக்கு உரிய நிதிப் பகிர்வை மத்திய அரசு வழங்க வேண்டும், தேர்தலில் போட்டியிடும் வயதை 25ல் இருந்து 21 ஆகக் குறைக்க வேண்டும் உள்ளிட்ட 16 தீர்மானங்கள் நிறைவேற்றப்பட்டுள்ளன.