சென்னையில் ஆபரணத் தங்கத்தின் விலை இன்று(செவ்வாய்க்கிழமை) சவரனுக்கு ரூ.400 உயர்ந்து ரூ.72,480-க்கு விற்பனை செய்யப்படுகிறது.

சென்னையில் தங்கம் விலை கடந்த சில நாள்களாக ஏற்ற, இறக்கமாக இருந்து வந்த நிலையில் கடந்த ஜூலை 5-இல் சவரனுக்கு ரூ.80 உயர்ந்து ரூ.72,480-க்கு விற்பனையானது.

தொடர்ந்து, வாரத் தொடக்க நாளான திங்கள்கிழமை தங்கம் விலை கிராமுக்கு ரூ.50 குறைந்து ரூ.9,010-க்கும், சவரனுக்கு ரூ.400 குறைந்து ரூ.72,080-க்கும் விற்பனையானது.

இந்நிலையில், ஆபரணத் தங்கத்தின் விலை இன்று(ஜூலை 8) கிராமுக்கு ரூ. 50 உயர்ந்து ரூ. 9,060-க்கும் சவரனுக்கு ரூ. 400 உயர்ந்து ரூ. 72,480-க்கும் விற்பனையாகிறது.

வெள்ளி விலை தொடா்ந்து 4- ஆவது நாளாக எவ்வித மாற்றமுமின்றி கிராம் ரூ.120-க்கும், கட்டி வெள்ளி (ஒரு கிலோ) ரூ.1.2 லட்சத்துக்கும் விற்பனை செய்யப்படுகிறது.

இதையும் படிக்க: அலட்சியத்தின் உச்சம்..! கடலூர் பள்ளி வேன் விபத்தில் ரயில் கேட் கீப்பருக்கு சரமாரி தாக்கு!