ஆளுநருடன் விஜய் இன்று சந்திப்பு?

+தமிழக ஆளுநர் ராஜேந்திர விஸ்வநாத் அர்லேகரை தவெக தலைவ விஜய் இன்று சந்திக்கவுள்ளதாகத் தகவல்கள் தெரிவிக்கின்றன.

தமிழக சட்டப்பேரவைத் தேர்தலில் 108 தொகுதிகளில் வெற்றி பெற்று தனிப்பெரும் கட்சியாக தவெக உருவெடுத்துள்ள நிலையில், ஆட்சியமைப்பதற்காக தமிழக ஆளுநர் ராஜேந்திர விஸ்வநாத் அர்லேகரை புதன்கிழமையில் (மே 6) சந்தித்து உரிமை கோரினார் தவெக தலைவர் விஜய். இருப்பினும், ஆதரவளிக்கும் 118 எம்எல்ஏ-க்களின் பட்டியலை அளிக்க வேண்டும் எனக் கூறிய ஆளுநர், ஆட்சியமைக்க விஜய்க்கு அழைப்பு விடுக்கவில்லை.

இந்த நிலையில், ஆளுநரை மீண்டும் விஜய் இன்று சந்திக்கவிருப்பதாகவும், அவரைச் சந்திக்க விஜய் நேரம் கேட்டுள்ளதாகவும் தகவல்கள் தெரிவிக்கின்றன.

இதனிடையே, ஆளுநர் அர்லேகரை அதிமுக பொதுச் செயலாளர் எடப்பாடி பழனிசாமியும் இன்று நண்பகல் 12 மணிக்குச் சந்திக்கவுள்ளதாகவும் கூறப்படுகிறது.