தென்காசி மாவட்டம், ஆலங்குளம் அருகே கல்லால் தாக்கி இளைஞா் கொலை செய்யப்பட்ட வழக்கில் தொழிலாளி கைது செய்யப்பட்டாா்.

சுரண்டை அருகே உள்ள சாம்பவா் வடகரையைச் சோ்ந்த பால்துரை மகன் காா்த்திகை குமாா் (38). இவா், தனது மனைவி ஊரான ஆலங்குளம் அருகே உள்ள கடங்கனேரியில் கோயில் திருவிழாவுக்குச் சென்றிருந்தாா். அங்கு அவா் அப்பகுதியைச் சோ்ந்த கண்ணன் மகன் சுரேஷ்(31) என்பவருடன் சோ்ந்து ஞாயிற்றுக்கிழமை இரவு மது அருந்தியதாகக் கூறப்படுகிறது. அப்போது இருவருக்கும் இடையே ஏற்பட்ட வாக்குவாதத்தில் சுரேஷ், காா்த்திகை குமாரை கல்லால் தாக்கினாராம்.

பலத்த காயமடைந்த அவா் மீட்கப்பட்டு, திருநெல்வேலி அரசு மருத்துவக் கல்லூரி மருத்துவமனையில் அனுமதித்தனா். அங்கு அவா் திங்கள்கிழமை உயிரிழந்தாா்.

இது தொடா்பாக ஊத்துமலை போலீஸாா் வழக்குப் பதிந்து விசாரணை மேற்கொண்டு, சுரேஷை கைது செய்து, ஆலங்குளம் நீதிமன்றத்தில் செவ்வாய்க்கிழமை ஆஜா்படுத்தினா்.