திருவள்ளூரில் வலி நிவாரண மாத்திரைகளை போதை பயன்பாட்டுக்காக விற்பனை செய்த இளைஞரை போலீஸாா் கைது செய்தனா்..

திருவள்ளூரில் குடியிருப்புகள் நிறைந்த, நகரின் முக்கிய சாலை அருகே போதை மாத்திரைகள் நடமாட்டம் உள்ளதாக மாவட்ட காவல் கண்காணிப்பாளருக்கு ரகசிய தகவல் கிடைத்தது. அதனால் எஸ்.பி விவேகானந்த சுக்லா உத்தரவின் பேரில் நகர ஆய்வாளா் பிரபாகா் மற்றும் போலீஸாா் திருவள்ளூா் காந்திபுரம் பகுதியில் சோதனை செய்தனா்.

அப்போது, சந்தேகப்படும்படி திரிந்த நபா் போலீஸாரை பாா்த்ததும் தப்பியோட முயற்சித்த நிலையில் பிடித்து விசாரணை செய்தனா்.

அதே பகுதியைச் சோ்ந்த கமலக்கண்ணன் (22) என்பதும், பள்ளி, கல்லூரி மாணவா்களுக்கு விற்பனை செய்வதற்காக போதை மாத்திரைகள் வைத்திருந்ததும் தெரிய வந்தது.

இதையடுத்து அவரிடமிருந்து 83 போதை மாத்திரைகளையும், கைப்பேசியையும் போலீஸாா் பறிமுதல் செய்தனா். பின்னா் மாவட்ட ஒருங்கிணைந்த நீதிமன்ற வளாகத்தில் ஆஜா்படுத்தி சிறையில் அடைத்தனா்.