டிவிஎஸ் மோட்டார் நிறுவனத்தின் நடப்பு நிதியாண்டின் இரண்டாம் காலாண்டு நிகர லாபம் ரூ.211.3 கோடியாக குறைந்துள்ளது என அந்நிறுவனம் செவ்வாய்க்கிழமை வெளியிட்ட அறிக்கையில் தெரிவித்துள்ளது.
கடந்த நிதியாண்டில் இதே கால அளவில் ஈட்டிய லாபம் ரூ.213.2 கோடியுடன் ஒப்பிடுகையில் இது சற்று குறைவாகும். 
அதேசமயம் மொத்த வருவாய் ரூ.4,098 கோடியிலிருந்து 21.9 சதவீதம் அதிகரித்து ரூ.4,994 கோடியாக இருந்தது.
ஜூலை-செப்டம்பர் வரையிலான இரண்டாவது காலாண்டில் ஒட்டுமொத்த இருசக்கர வாகனங்களின் விற்பனை (ஏற்றுமதி உள்பட) 13.6 சதவீதம் அதிகரித்து 10.49 லட்சமாக இருந்தது.
வரும் 2019 மார்ச் 31-ஆம் தேதியுடன் முடிவடையவுள்ள நிதி ஆண்டுக்கு இடைக்கால ஈவுத்தொகையாக பங்கு ஒன்றுக்கு ரூ.2.10 வழங்க (210 சதவீதம்) நிறுவனத்தின் இயக்குநர் குழு முடிவு செய்துள்ளதாக டிவிஎஸ் மோட்டார் அந்த அறிக்கையில் தெரிவித்துள்ளது.