பாட்டா: லாபம் ரூ.37 கோடி

காலணிகள் தயாரிப்பில் முன்னணியில் உள்ள பாட்டா இந்தியா இரண்டாவது காலாண்டில் ரூ.37 கோடி நிகர லாபத்தை பதிவு செய்துள்ளது.

இதுகுறித்து அந்த நிறுவனம் பங்குச் சந்தையிடம் கூறியுள்ளதாவது:

நடப்பு நிதியாண்டின் இரண்டாவது காலாண்டில் நிறுவனம் செயல்பாடுகள் மூலமாக ஈட்டிய வருவாய் ரூ.614.12 கோடியாக இருந்தது. இது, இதற்கு முந்தைய நிதியாண்டின் இதே காலகட்டத்தில் ரூ.367.87 கோடியாக காணப்பட்டது.

கடந்த நிதியாண்டின் செப்டம்பா் காலாண்டில் ரூ.44.31 கோடி நிகர இழப்பு ஏற்பட்ட நிலையில், நடப்பு நிதியாண்டில் நிறுவனம் ரூ.37.18 கோடி நிகர லாபத்தை ஈட்டியுள்ளது. இதற்கு நிறுவனத்தின் விரிவாக்க திட்டம், ஆன்லைன் வா்த்தகம் மற்றும் சில்லறை அங்காடிகளில் விற்பனை விறுவிறுப்படைந்ததே முக்கிய காரணம்.

இந்த காலகட்டத்தில் நிறுவனத்தின் செலவினம் ரூ.440.72 கோடியிலிருந்து ரூ.575.44 கோடியாக இருந்தது என பாட்டா இந்தியா தெரிவித்துள்ளது.