ஐபிஎல் 2026: ஹேசில்வுட் பங்கேற்பதில் சிக்கல்! ஆர்சிபிக்கு பின்னடைவு?

ஆர்சிபி வேகப் பந்துவீச்சாளர் ஜோஷ் ஹேசில்வுட் முதல்கட்ட ஐபிஎல் போட்டிகளில் பங்கேற்கமாட்டார் எனத் தகவல்கள் வெளியாகியுள்ளன.

கிரிக்கெட் ஆஸ்திரேலியாவின் மருத்துவக் குழு இன்னும் ஹேசில்வுட்டுக்கு அனுமதி அளிக்கவில்லை எனக் கூறப்படுவதால் தாமதம் ஆகுமெனக் கூறப்படுகிறது.

ஆஸ்திரேலியாவைச் சேர்ந்த ஜோஷ் ஹேசில்வுட், காயம் காரணமாக டி20 உலகக் கோப்பையில் இருந்து விலகினார். அதனால், அந்த அணி மிகுந்த நெருக்கடிக்குள்ளானது.

ஐபிஎல் தொடரில் கடந்த சீசனில் ஆர்சிபி அணி முதல்முறையாக கோப்பை வென்று அசத்தியது. இந்த வெற்றிக்கு 22 விக்கெட்டுகள் எடுத்த ஜோஷ் ஹேசில்வுட் பந்துவீச்சு முக்கியமானதாக அமைந்தது.

ஐபிஎல் போட்டிகள் மார்ச் 28ஆம் தேதி தொடங்கவுள்ள நிலையில், ஹேசில்வுட் முதலிரண்டு போட்டிகளில் விளையாடமாட்டார் எனக் கூறப்படுகிறது. இருப்பினும் மீதமுள்ள போட்டிகளில் கலந்துகொள்வார் எனக் கூறப்படுகிறது.