சர்வதேச அழைப்பிற்கான புதிய ரோமிங் கட்டண திட்டத்தை வோடஃபோன்  ஐடியா நிறுவனம் அறிவித்துள்ளது. 

குறைந்த விலையில் பல ரீசார்ஜ் திட்டங்களை அறிமுகப்படுத்தும் டெலிகாம் நிறுவனங்களில் ஒன்றான வோடஃபோன்  ஐடியா நிறுவனம் தற்போது சர்வதேச ரோமிங் அழைப்புகளுக்கான புதிய கட்டண திட்டத்தை அறிமுகப்படுத்தியுள்ளது.

போஸ்ட்பெயிட்(postpaid) சந்தாதாதர்களுக்கு மட்டும் உருவாக்கப்பட்ட இத்திட்டத்தின் மூலம் அளவற்ற டேட்டா மற்றும் அளவற்ற அழைப்புகளை வழங்குகிறது.

28 நாள்களுக்கு செயல்பாட்டில் இருக்கும் இத்திட்டத்தின் ரீச்சார்ஜ் கட்டணம் ரூ.599-திலிருந்து அதிகபட்சமாக ரூ.5,999 வரை நிர்ணயம் செய்யப்பட்டிருக்கிறது. 

அமெரிக்கா, இங்கிலாந்து, ஐக்கிய அரபு அமீரகம்,   ஜெர்மனி, இந்தோனேசியா, பிரான்ஸ்,  இத்தாலி, ஆஸ்திரேலியா, தாய்லாந்து உள்ளிட்ட நாடுகளுக்கும் இந்த ரோமிங் வசதி செல்லுபடியாகும் என வோடஃபோன்  நிறுவனம் அறிவித்துள்ளது.