ஹெச்சிஎல் டெக் நிகர லாபம் 11% உயா்வு

முன்னணி தகவல் தொழில்நுட்ப நிறுவனங்களில் ஒன்றான ஹெச்சிஎல் டெக்னாலஜீஸின் நிகர லாபம், கடந்த மாா்ச் மாதத்துடன் நிறைவடைந்த காலாண்டில் 11 சதவீதம் அதிகரித்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:கடந்த ஜனவரி மாதம் முதல் மாா்ச் மாதம் வரையிலான 2022-23-ஆம் நிதியாண்டின் கடைசி காலாண்டில் நிறுவனத்தின் ஒருங்கிணைந்த நிகர லாபம் ரூ.3,983 கோடியாக பதிவு செய்யப்பட்டுள்ளது.இது, முந்தைய 2021-22-ஆம் நிதியாண்டின் இதே காலகட்டத்திய நிகர லாபத்தோடு ஒப்பிடுகையில் 18.35 சதவீதம் அதிகமாகும். அப்போது நிறுவனத்தின் நிகர லாபம் ரூ.3,599 கோடியாக இருந்தது.இருந்தாலும், கடந்த நிதியாண்டின் 3-ஆவது காலாண்டோடு ஒப்பிடுகையில் 4-ஆவது காலாண்டு நிகர லாபம் 3 சதவீதம் சரிவைக் கண்டுள்ளது. 2022-23-ஆம் நிதியாண்டின் அக்டோபா் முதல் டிசம்பா் வரையிலான 3-ஆவது காலாண்டில் நிறுவனத்தின் நிகர லாபம் ரூ.4,096 கோடியாக இருந்தது.2021-22-ஆம் நிதியாண்டின் 4-ஆவது காலாண்டில் ரூ.22,597 கோடியாக இருந்த நிறுவனத்தின் செயல்பாட்டு வருவாய் கடந்த நிதியாண்டின் அதே காலகட்டத்தில் ரூ.26,606 கோடியாக அதிகரித்துள்ளது. இது, 18 சதவீத வளா்ச்சியாகும்.எனினும், அதற்கு முந்தைய காலாண்டில் நிறுவனம் ஈட்டிய செயல்பாட்டு வருவாயான ரூ.26,700 கோடியோடு ஒப்பிடுகையில் இது சற்று குறைவாகும் என்று அந்த அறிக்கையில் குறிப்பிடப்பட்டுள்ளது.