ஏப்ரல் மாதம் தொடக்கம் முதல் தங்கம் விலை நாள்தோறும் புதிய உச்சத்தை அடைந்து வருகிறது.

செவ்வாய்க்கிழமை நிலவரப்படி, சென்னையில் ஒரு சவரன் ஆபரணத் தங்கம் ரூ. 80 உயர்ந்து ரூ.53,360-க்கும், ஒரு கிராம் ரூ. 6,670-க்கும் விற்பனை செய்யப்பட்டது.

இந்த நிலையில், சென்னையில் புதன்கிழமை தங்கத்தின் விலை ஒரு சவரனுக்கு ரூ.280 உயர்ந்து ரூ.53,640-க்கும், ஒரு கிராமுக்கு ரூ.35 உயர்ந்து ரூ. 6,705-க்கும் விற்பனை செய்யப்படுகிறது.

அதேபோல், வெள்ளி கிராமுக்கு ரூ. 1 உயர்ந்து ரூ.89-க்கும், ஒரு கிலோ ரூ.89,000-க்கும் விற்பனை செய்யப்படுகிறது.

பணவீக்கம், உலகளவில் ஏற்பட்டுள்ள பொருளாதார மந்தநிலை உள்ளிட்ட காரணிகளால் வரும் நாள்களில் தங்கம் விலை மேலும் அதிகரிக்கும் என்று எதிா்பாா்க்கப்படுகிறது.