இருசக்கர வாகன உற்பத்தி நிறுவனமான பஜாஜ் புதிய ‘பல்சர் என்எஸ்400ஸி’ என்கிற மாடலை வெள்ளிக்கிழமை அறிமுகப்படுத்தியுள்ளது.

சிவப்பு, கருப்பு, வெள்ளை மற்றும் பழுப்பு ஆகிய நான்கு வண்ணங்களில் அறிமுகமாகியுள்ள இந்த பல்சர் இதுவரை வெளிவந்த மாடல்களிலேயே அதிக சிசி கொண்ட வாகனமாக உள்ளது.

373 சிசி ஆற்றல் கொண்ட இந்த பல்சர், 6 வேக மாற்றிகள் (கியர்), 40 பிஎஸ் ஆற்றல் மற்றும் 35 என்எம் டார்க் திறன் கொண்டுள்ளது.

வடிவமைப்பில் புதிதாக முன்பக்க விளக்கு, டயர் ஆகியவை மாற்றப்பட்டுள்ளன.

இருசக்கர வாகனத்தின் மேல் பகுதியில் வேகமானிக்கு எண்மதிரை பொருத்தப்பட்டுள்ளது. அதில் செல்போனை இணைத்துக் கொள்ளும் ப்ளூடூத் வசதியும் கொடுக்கப்பட்டுள்ளது.

இதன் விலை ரூ.1,85,000/- (எக்ஸ் ஷோரூம்) என்பது குறிப்பிடத்தக்கது.