புதுதில்லி: நாட்கோ பார்மா நிறுவனத்தின் நிகர லாபம், செப்டம்பர் 2024 காலாண்டில், 83 சதவிகிதம் அதிகரித்து, ரூ.676 கோடியாக உள்ளது.

கடந்த நிதியாண்டின் ஜூலை முதல் செப்டம்பர் வரையிலான காலகட்டத்தில் நாட்கோ பார்மா ரூ.369 கோடி நிகர லாபம் ஈட்டியது.

இதையும் படிக்க: சென்செக்ஸ் 821 புள்ளிகளுடனும், நிஃப்டி 258 புள்ளிகள் சரிந்து முடிவு!

இதுகுறித்து அந்த நிறுவனம் பங்குச் சந்தையிடம் தெரிவித்துள்ளதாவது:

எங்களது வருவாய் ரூ.1,031 கோடியிலிருந்து அதிகரித்து ரூ.1,371 கோடியானது. அதே வேளையில் ஏற்றுமதி முறை வணிகம் மற்றும் நிலையான உள்நாட்டு வணிகம் ஆகியவற்றால் இரண்டாவது காலாண்டில் நிறுவனம் தொடர்ந்து வலுவான வளர்ச்சியைக் பதிவு செய்துள்ளது.

2024-25 நிதியாண்டில் அதன் இயக்குநர் குழு 2-வது இடைக்கால ஈவுத்தொகையாக தலா ரூ.2 ஈக்விட்டி பங்குக்கு ரூ.1.5 அறிவித்துள்ளது.

நாட்கோ பார்மா நிறுவனத்தின் பங்குகள் பிஎஸ்இயில் 0.19 சதவிகிதம் குறைந்து ரூ.1,393.15 ஆக முடிவுற்றது.