ஐ-போன் தயாரிப்பு நிறுவனமான ஆப்பிள் இந்தியாவின் நிகர லாபம் கடந்த 2023-24-ஆம் நிதியாண்டில் 23 சதவீதம் உயா்ந்துள்ளது.

இது குறித்து நிறுவனம் புதன்கிழமை வெளியிட்டுள்ள ஒழுங்காற்று அறிக்கையில் தெரிவிக்கப்பட்டுள்ளதாவது:

2023 ஏப்ரல் முதல் 2024 மாா்ச் வரையிலான கடந்த நிதியாண்டில் நிறுவனத்தின் நிகர லாபம் ரூ.2,745.7 கோடியாகப் பதிவு செய்யப்பட்டுள்ளது.

இதையும் படிக்க: ஏர்டெல் நிறுவனத்திடமிருந்து 4ஜி மற்றும் 5ஜி நீட்டிப்பு ஒப்பந்தத்தை வென்ற நோக்கியா!

இது, முந்தைய 2022-23-ஆம் நிதியாண்டுடன் ஒப்பிடுகையில் 23 சதவீதம் அதிகம். அப்போது நிறுவனம் ரூ.2,229.6 கோடி நிகர லாபம் ஈட்டியிருந்தது.

2022- 23-ஆம் நிதியாண்டில் ரூ.49,321.8 கோடியாக இருந்த நிறுவனத்தின் மொத்த வருவாய் மதிப்பீட்டு நிதியாண்டில் 36 சதவீதம் அதிகரித்து ரூ.67,121.6 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.