ஹானர் நிறுவனத்தின் புதிய ஸ்மார்ட்போன் விற்பனை யுக்தி பலரைக் கவர்ந்துள்ளது. அதாவது, 2 மீட்டர் தூரத்தில் இருந்து தவறினாலும் ஸ்மார்ட்போன் உடையாது என ஹானர் நிறுவனம் உறுதி அளித்துள்ளது.

ஹானர் நிறுவனத்தின் எக்ஸ் 9 சி என்ற புதிய ஸ்மார்ட்போன், ஜூலை 12 - 14 தேதிகளில் வெளியாகும் என ஹானர் நிறுவனம் அறிவித்துள்ளது. இதன் விளம்பரத்தை பிரபல இணைய விற்பனை தளமான அமேசானிலும் வெளியிட்டுள்ளது.

ஸ்மார்ட்போன் நிறுவனங்கள் பெரும்பாலும் விற்பனைக்கான யுக்தியாக, அதன் சிறப்பம்சங்களை முன்னிலைப்படுத்துவது வழக்கம்.

அந்த வகையில் ஹானர் எக்ஸ் 9 சி ஸ்மார்ட்போன், மற்ற ஸ்மார்ட்போன்களின் உறுதித்தன்மைக்கு சவால்விடும் வகையில் 2 மீட்டர் தூரத்தில் இருந்து தவறி விழுந்தாலும் உடையாது என்ற அம்சத்தை முன்னிலைப்படுத்தி வருகிறது.

சிறப்பம்சங்கள்

• ஹானர் எக்ஸ் 9 சி ஸ்மார்ட்போனில், டிராப் டெக்னாலஜி 2.0 என்ற புதிய தொழில்நுட்பத்தின் மூலம் உறுதித் தன்மை மேம்படுத்தப்பட்டுள்ளது. 2 மீட்டர் தூரத்தில் இருந்து விழுந்தாலும் உடைவதற்கான வாய்ப்பு 166% குறைவு என உறுதியளித்துள்ளது.

• தட்டையான டைட்டானியம் உலோகத்தாலான புறவடிவமைப்பு உடையது

• 6600 mAh பேட்டரி திறனுடன் உருவாக்கப்பட்டுள்ளது. 39% பேட்டரி திறன் மேம்படுத்தப்பட்டுள்ளது.

• 28.8 மணி நேரம் தொடர்ந்து விடியோக்களை பார்க்கலாம். 48.4 மணி நேரம் தொடர்ந்து பாடல்களை கேட்கலாம்.

• திரையின் வெளிச்சம் கண்களுக்கு சிரமத்தை ஏற்படுத்தாத வகையில் ஐ கம்ஃபோர்ட் டிஸ்பிளே அம்சத்துடன் தயாரிக்கப்பட்டுள்ளது. 4000nits அம்சம் கொண்டது.

• 108MP ஐஓஎஸ் மோஷன் சென்சார் பொருத்தப்பட்ட கேமராக்கள் உடையது. இதனால், விடியோக்களை எந்தவித தடுமாற்றமுமின்றி பதிவு செய்ய முடியும்.

• 360 டிகிரியிலும் நீர்புகாத்தன்மைக்கு உத்தரவாதம் அளிக்கப்பட்டுள்ளது.

• மேல் - கீழ்புறம் என இரண்டு ஸ்பீக்கர்கள் உடையது.

இதையும் படிக்க | உள்நாட்டில் தயாரிக்கப்பட்ட ஸ்மார்ட்போன்கள்! ஜூலை 8-ல் அறிமுகம்