தேவையான பொருட்கள்:

சின்ன வெங்காயம் - 10

பூண்டு - 10

புளி - 1 எலுமிச்சை அளவு

உப்பு - தேவையான அளவு

வறுத்து அரைப்பதற்கு...

மல்லி - 3 தேக்கரண்டி

உளுத்தம் பருப்பு - 1 தேக்கரண்டி

கடலைப் பருப்பு - 1 தேக்கரண்டி

மிளகு - 2 தேக்கரண்டி

பச்சரிசி - 1 தேக்கரண்டி

தாளிப்பதற்கு...

எண்ணெய் - 6 தேக்கரண்டி

கடுகு - 1 தேக்கரண்டி

சீரகம் - 1 தேக்கரண்டி

வெந்தயம் - கால் தேக்கரண்டி

கறிவேப்பிலை - சிறிது

செய்முறை: முதலில் ஒரு வாணலியை அடுப்பில் வைத்து, அதில் 1 தேக்கரண்டி எண்ணெய் ஊற்றி வறுத்து அரைப்பதற்கு கொடுத்துள்ள பொருட்கள் அனைத்தையும் சேர்த்து வறுத்து, பின் மிக்ஸியில் அரைத்து விழுதாக்கிக் கொள்ள வேண்டும். பிறகு, வாணலியில் 3 தேக்கரண்டி எண்ணெய் ஊற்றி காய்ந்ததும், சின்ன வெங்காயம், பூண்டு சேர்த்து வதக்கி, அரைத்து வைத்துள்ள மசாலாவை சேர்த்து கிளறி, புளிச்சாற்றினை ஊற்றி, தேவையான அளவு தண்ணீர் ஊற்றி உப்பு சேர்த்து 20-30 நிமிடம் குறைவான தீயில் நன்கு கொதிக்க விட வேண்டும். அடுத்து மற்றொரு அடுப்பில் சிறு வாணலியை வைத்து, அதில் 2 தேக்கரண்டி எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை சேர்த்து தாளித்து, கொதித்துக் கொண்டிருக்கும் குழம்புடன் சேர்த்து கிளறி இறக்கினால், மிளகு குழம்பு ரெடி.