பகுதி - 338

என்மனம் என்னதான் கட்டறுந்து திரிந்தாலும், எப்படிப்பட்ட நிலையிலும் உன்னுடைய திருவடிகளை ஒருபோதும் மறவேன் என்று பொதுப்பாடல்கள் வரிசையைச் சேர்ந்த இந்தத் திருப்புகழில் கூறுகிறார்.

விரைவான தாளகதியை உடைய இப்பாடல், தொங்கல் சீர் ஒன்றைத் தவிர்த்து மற்ற அனைத்துச் சீர்களிலும் முழுக்க முழுக்க குறிலெழுத்துகளாலேயே அமைந்துள்ளது.  அடிக்கு 34 எழுத்துகள்; தொங்கல் சீரில் வரும் 33-34 ஆகிய எழுத்துகள் மட்டுமே நெடில்; மற்ற அனைத்தும் குறில்.  இதில் 34ம் எழுத்து மட்டும் குறிலாகவோ நெடிலாகவோ இருக்கலாம்.  ஈற்றுக் குறில் நீண்டு ஒலிக்கும் என்பதால் இந்த மாற்றம் ஓசைக்கு வெகுவாகப் பொருந்துகிறது. 

தனனதன தனனதன தனனதன தனனதன

      தனனதன தனனதன                தனதான

விடமளவி யரிபரவு விழிகுவிய மொழிபதற

         விதறிவளை கலகலென          அநுராகம்

      விளையம்ருக மதமுகுள முலைபுளக மெழநுதலில்

         வியர்வுவர அணிசிதற            மதுமாலை

அடரளக மவிழஅணி துகிலகல அமுதுபொதி

         யிதழ்பருகி யுருகியரி             வையரோடே

      அமளிமிசை யமளிபட விரகசல தியில்முழுகி

         யவசமுறு கினுமடிகள்           மறவேனே

உடலுமுய லகன்முதுகு நெறுநெறென எழுதிமிர

         வுரகர்பில முடியவொரு          பதமோடி

      உருவமுது ககனமுக டிடியமதி முடிபெயர

         வுயரவகி லபுவனம              திரவீசிக்

கடககர தலமிலக நடனமிடு மிறைவர்மகிழ்

         கருதரிய விதமொடழ            குடனாடுங்

      கலபகக மயில்கடவி நிருதர்கஜ ரததுரக

         கடகமுட னமர்பொருத           பெருமாளே.