பகுதி - 356

உபதேச மொழியைப் பெறுவதற்கான கோரிக்கையை வைக்கும் இந்தப் பழனித் திருப்புகழ் சற்றே நீளமான சந்த அமைப்பைக் கொண்டது. அடிக்கு ஒற்றொழித்து 55 எழுத்துகள்; 54, 55 ஆகிய எழுத்துகள் மட்டும் நெடில், மற்ற அனைத்து எழுத்துகளும் குறில்; ஒவ்வொரு மடக்கிலும் 12, 14, 17 ஆகிய எழுத்துகள் வல்லொற்று. 

தனனதன தனனதன தத்தத் தனத்ததன

      தனனதன தனனதன தத்தத் தனத்ததன

      தனனதன தனனதன தத்தத் தனத்ததன            தனதானா

சிறுபறையு முரசுதுடி சத்தக் கணப்பறையு

         மொகுமொகென அதிரவுட னெட்டிப் பிடித்துமுடி

         சிறுகயிறு நெடிதுகொடு கட்டிட் டிழுக்கஇனி      யணுகாதே

      சிலதமர்க ளுறவுகிளை கத்திப் பிதற்றியெடு

         சுடலைதனி லிடுகனலை யிட்டுக் கொளுத்துபுனல்

         திரைகடலில் முழுகெனவு ரைக்கப் படிக்குடிலை யொழியாதே

மறைமுறையி னிறுதிநிலை முத்திக் கிசைத்தபடி

         உடலுயிர்கள் கரணவெளி பட்டுக் குணத்திரயம்

         வழிபடவும் நினதடிமை யிச்சைப் படுத்துவது    மொருநாளே

      வருதுரக மயில்மணிகள் சத்திக்க நிர்த்தமிட

         ஓருபதுட னிருபுயமு மட்டுத் தொடைக்கிசைய

         மனமகிழ இனியமொழி செப்பிச் சிவத்தபத      மருள்வாயே

நறையிதழி யறுகுபல புட்பத் திரட்களொடு

         சிறுபிறையு மரவுமெழி லப்புத் திருத்தலையில்

         நளினமுற அணிசடையர் மெச்சிப் ப்ரியப்படவு   மயிலேறி

      நவநதிகள் குமுகுமென வெற்புத் திரட்சுழல

         அகிலமுத லெழுபுவன மெத்தத் திடுக்கிடவும்

         நவமணிகள் உரகனுடல் கக்கத் துரத்திவரு      முருகோனே

குறவர்முனை கெடமனது வெட்கப் படக்குடிலில்

         மலையிலெழு தினையிதணில் வைத்துச் சிறுக்கியிறு

         குவிமுலையு மணியிடையு மெச்சிப் புணர்ச்சிச்செயு மணவாளா

      குறுமுனிவ னிருபொழுதும் அர்ச்சித்து முத்திபெற

         அறிவுநெறி தவநிலைகள் செப்புத் தமிழ்க்கினிய

         குருகுமர பழநிவளர் வெற்புத் தனிற்றிகழு             பெருமாளே.