புது ஆண்டின் புதிய வரவு புதிய டைரி 
புது நாட்காட்டியுடன் ...புது சட்டை மணத்துடன் !
புதுப் புடவை பொலிவுடன் ! அழகுப் 
பதுமையென அதை ரசித்து அதன் 
பக்கங்களைப் புரட்டும் நேரம் புது 
டைரி அதற்கு ஒரு பெருமை ...
கர்வமும் கூட ! புது டைரிக்கு தெரியாது 
அதன் "புது டைரி" வாழ்வு சில வாரங்களே 
என்று  ! நாட்குறிப்பு எதுவும் பதியாமல் 
புது டைரி எடுக்குமே  பல அவதாரம் ! 
வீட்டுப் பிள்ளைக்கு நோட்டுப் புத்தகமாக!
வீட்டுப் பெண்மணிக்கு சமையல் குறிப்பு 
நோட்டாக ...வீட்டுக் கணக்கு , பால் 
கணக்கு நோட்டாக ...இருந்தாலும் அது 
புது டைரி...புது டைரிதான் ! வேறு  ஒரு 
புது டைரி அந்த வீட்டுக்கு வரும் வரை !