இன்றைய பிரபல பேட்மிண்டன் வீரர், வீராங்கனைகளின் பயிற்சியாளர் புலிலா கோபிசந்த். அவரை ஆசிரியர் என்று கூட சொல்லலாம்.
ஆசிரியரும் சில சமயம் பாடம் கற்பது உண்டு. அப்படி கோபிசந்தும் கற்றாராம்! எப்படி? 
இவருடைய பயிற்சியில் உள்ள தொடக்கநிலை வீரர், வீராங்கனைகளுக்கு பந்து பிடிக்க பயிற்சி அளிப்பதுண்டு. இதற்காக கோபிசந்த் பந்தை தூக்கி எறிய, அவர்கள் பிடிக்க வேண்டும். இப்படி ஓர் இளம் பெண் பேட்மிண்டன் வீராங்கனைக்கு தூக்கி எறிந்தபோது, அவர் பந்துகளைப் பிடிக்கவே இல்லையாம்!
அந்த வீராங்கனையிடம், ""ஏன் பந்தைப் பிடிக்கவில்லை?'' என்று கேட்க, அதற்கு அந்தப் பெண், ""நீங்க எப்படி பந்தைப் பிடிக்கணும்னு சொல்லியே தரலியே'' என்றாராம்!
அன்றுதான் சிலருக்கு எல்லாவற்றையும் அடிப்படையிலிருந்தே கற்றுத்தர வேண்டும் என்று கோபிசந்த் பாடம் கற்றாராம்.
- மும்பையில் ஒரு நிகழ்ச்சியில் அவரே பகிர்ந்து கொண்ட தகவல்!