அவர்: அந்த ஆளுக்கு ஆனாலும் ரொம்ப பணத்திமிரு.
இவர்: நிஜமாவா ?
அவர்: ஆமாம் அவர் வாக்கிங் கூட கார்லதான் போவாரு.

-தீபிகா சாரதி,
சென்னை -5.

 ""டாக்டரா? வக்கீலா இவரு ? வெள்ளை கோட்டு போடாமல்  கறுப்பு கோட்டு போட்டிருக்காரே?''
""வெள்ளை  கோட்டு தாங்க அது; வாஷ் பண்ணி நாளாச்சாம்''

""பழமொழி எழுதச் சொன்னா என்னன்னவோ வரைஞ்சி வச்சிருக்க?''
""சார், இது பழமொழி... உங்களுக்குப் புரியாது, பழங்களுக்குத்தான் புரியும்''
பா.சக்திவேல், கோயம்புத்தூர்.

 ""இந்த பாம்பு ஏன் படம் எடுத்தா சீக்கிரமே தலையைத் தொங்கப் போட்டுடுது?''
 ""அது எடுக்கிறது, குறும் படமாம் !''

 ""ஒரு ஆணும் பெண்ணும் சிரிச்சுப் பேசினா உடனே காதலர்களாகத்தான் இருக்கணுமா டாக்டர் ?''
 ""அதெல்லாம் எனக்குத் தெரியாது. நிச்சயமா கணவன் மனைவியா இருக்க முடியாது. அது உறுதி''

எம் அசோக்ராஜா,  
அரவக்குறிச்சிப்பட்டி.

""நம்ப சிட்டிபாபுவோட ஊரை "ஸ்மார்ட் சிட்டி'யா மாத்தப் போறாங்களாம்.''
 ""அதுக்கென்ன இப்ப?''
 ""அவனோட பேரையும், "ஸ்மார்ட் சிட்டிபாபு' ன்னு மாத்திக்கப் போறானாம்! ''

-வி. ரேவதி,
தஞ்சை.