சிரி... சிரி...

'கனவில் நடிகை வந்தாங்கன்னு ஏன் கஷ்டப்படுறே...'

'கனவா இருக்கேன்னுதான்...'



'திட்டினா கூட என் மருமகள் சிரித்தபடியே இருக்கா?'

'நிஜமாவா சொல்றே..?'

'டி.வி.யில் 'ஆங்கரா' இருக்கிறதா அதான்..'



'டி.வி.யில் 'ஆங்கரா' இருந்த என் பொண்ணு இப்போ நல்லா நடிக்க ஆரம்பிச்சுட்டா...?'

'எப்படி சொல்றே...?'

'அவளுக்கு சிரிப்பைவிட அழுகை நல்லா வருதாம்.. அதான் சான்ஸ் கிடைச்சிருக்கு.'



'அவர் ரொம்ப மரியாதை தெரிஞ்சவர்...'

'எப்படி சொல்றே...'

'டி.வி.யில் நியூஸ் வாசிக்கிறவங்க வணக்கம் சொன்னாகூட பதிலுக்கு வணக்கம் சொல்வாருன்னா பாருங்களேன்...'

-வி.ரேவதி, தஞ்சாவூர்.

'சினிமாவுக்கு போக டிக்கெட் வாங்கிட்டு வந்திருக்கேன்..'

'சரிங்க.. நான் போய் டிரஸ் பண்ணிட்டு வந்திடறேன். கொஞ்சம் லேட் ஆனா என்னங்க பண்றது..'

'ஒன்றும் பிரச்னை இல்லை. டிக்கெட் நாளைக்குதான் வாங்கிட்டு வந்திருக்கேன்...'

-ஏ.எஸ்.கோவிந்தராஜன், சென்னை.

'படத்துல வர்ற கனவு சீனை உச்சி வெயிலில் எடுக்கிறாங்களே ஏன்..'

'அது 'பகல் கனவு' சீனாம்...'



'ஹீரோவும், ஹீரோயினும் கொடைக்கானல் போறப்ப ஹீரோயின் குணா குகைக் குழியில் விழுந்துடுறாங்க? கட் பண்ணா..'

'என்ன ஆச்சு...'

'ஹீரோ வேறொரு ஹீரோயின்கூட டூயட் பாடுறார்..'

-பர்வீன் யூனுஸ், சென்னை.

'நடிகையை கல்யாணம் பண்ணினியே.. என்னடா ஆச்சி...'

'கல்யாணமே நடிப்புன்னு சொல்லிட்டாடா..'

-ஏ.மூர்த்தி, திருவள்ளூர்.



'பொண்ணை கொஞ்சம் மார்டனா வளர்த்துட்டோம்...'

'அதுக்காக மாப்பிள்ளை வீட்டார் முன்னாடி 'காவாலா' பாட்டை தமன்னா மாதிரி ஸ்டெப்ஸ் போட்டு பாடி ஆடுறதா?'

-எஸ்.தேவராஜ், காஞ்சிபுரம்.

'நம்ம படத்துக்கு மாநகராட்சி கூடுதல் வரி விதிச்சிருக்கா...?'

'ஆமா சார்.. குப்பை வரியாம்...'



'அந்த டைரக்டர் கதை இதுவரை லீக் ஆனதே இல்லையா?'

'ஆமா.. அவர் கதையே இல்லாம படம் எடுக்கிற ஆளாச்சே...?'

-அஹ்மத், சேலம்.

'சீரியலில் சிறந்த நடிகைக்கான விருது உங்களுக்குக் கிடைச்சிருக்கே.. என்ன சொல்ல விரும்பறீங்க?'

'சிறந்த பாட்டி விருது கிடைக்கிற வரைக்கும் அதே சீரியலில் தொடர்ந்த நடிக்க விரும்புகிறேன்..'

-ப.சோமசுந்தரம், சென்னை-129.