'பொண்ணுக்கு நாங்க 30 பவுன் போடுறோம்... நீங்க என்ன போடுவீங்க?'

'அதையெல்லாம் பொண்ணுக்கு மாட்டி வீடியோ எடுத்து இன்ஸ்டாவுல 'ரீல்ஸ்' போடுறோம்!'

-முபீன், சென்னை.



'ரெண்டாம் பந்தியிலும் சாப்பிடப்போறேன்...'

'ஏன்?'

'ரெண்டாம் பந்திக்கு மெனு மாற்றமாம்!'

- பர்வதவர்த்தினி, பம்மல்.



'உங்க மனைவி மாசமாயிருக்காங்க... வெயிட்டான பொருள் எதுவும் தூக்கக்கூடாது !'

'அவ தூக்குற ஒரே பொருள் செல்போன் தான் டாக்டர் !'

-எம்.பி.தினேஷ், கோவை - 25.



'இடைவேளைக்கு அப்புறம் திட்டிக்கிட்டே படம் பார்த்தீங்களா... ஏன் செகண்ட் ஆஃப் அவ்வளவு போரா?'

'ம்ஹும்... ஸ்டால்ல வாங்கின பாப்கார்ன் பழைய ஸ்டாக், அதான்!'

-பர்வீன் யூனுஸ், சென்னை.



'சங்கு எல்லாம் ஊதியாகி விட்டது. இன்னும் போர் துவங்கவில்லையே..!'

'ஓ. டி. பி. க்கு வெயிட்டிங்காம்..!'



'மன்னர் கதி கலங்கிவிட்டாரா ?'

'ஆமாம், கை தட்டி 'யார் அங்கே?' என்றதும், புலி ஒன்று நடந்து வந்ததாம்!'

-மஞ்சுதேவன், பெங்களூரு.



'அமைச்சரே... உடனே கேடயம் கொண்டு வாருங்கள்...'

'போர்க்களம் போகப்போகிறீர்களா, மன்னா?'

'மண்ணாங்கட்டி... மகாராணியைக் கோபத்தில் திட்டிவிட்டேன். பூரிக்கட்டையைத் தூக்கிக் கொண்டு வருகிறாள்!'



' வந்தால் வெட்டுவேன் என்று எதிரி போர் ஓலை அனுப்பியுள்ளான், மன்னா!'

'மாமூல் வெட்டினால் விட்டுவிடுவானா எனக் கேளுங்கள், அமைச்சரே!'

-முகமது ஆதில், சென்னை.



'என்னங்க, நான் பேசிக்கிட்டே இருக்கேன்... நீங்க ஒன்னும் பேசவில்லையே?'

'நீ வாயை மூடினால் தானே நான் பேச முடியும்!'



'உங்களைத் திருமணம் செய்த பின் உங்கள் மனைவி உங்களிடம் கண்டுபிடித்த குணாதிசயம் என்ன?'

'எனக்குக் கொஞ்சம் கூட அறிவே இல்லை என்பதைத்தான்!'

-நடேஷ் கன்னா, கல்லிடைக்குறிச்சி.



'எனக்கு மல்லுக்கட்டுறவங்களைக் கண்டாலே பிடிக்காது...'

'அதுக்காக, மல்லு வேட்டி கட்டினவங்களோட பேசக்கூட மாட்டேன்னா எப்படி?'



'நீங்க எழுதின 'தோசை' ங்கிற கதையை மறுபடியும் போட்டிருக்காங்களே..?'

'தோசையைத் திருப்பிப் போடறது இயற்கை தானே சார்..!'



'நீ பெருக்காமல் எதுக்கு உஷா உன் வீட்டுக்காரரை பெருக்கச் சொல்றே?'

'இதுக்கு மேல நான் பெருக்கக்கூடாதுன்னு டாக்டர் சொல்லியிருக்காருடீ...!'



'என்னங்க... உங்க அம்மாவை ரயிலேத்திவிடப் போனப்ப ஒரு சின்ன தப்பு நடந்து போச்சுங்க...!'

'என்னாச்சு..?'

'எனக்கு வாங்கின பிளாட்பாரம் டிக்கெட்டை அவங்ககிட்ட கொடுத்துட்டு, அவங்களோட பயண டிக்கெட்டை நான் எடுத்திட்டு வந்துட்டேங்க!'



'அந்த அதிகாரியை ஏன் திடீர்னு மாத்திட்டாங்க?'

'ரொம்ப நேர்மையா இருக்காருன்னு தலைவருக்கு தொடர்ச்சியா அவரைப் பற்றி புகார் போய்க்கிட்டே இருந்துச்சாம்...!'



'டூ-வீலர்ல வச்சு எதுவும் வியாபாரமா பண்ணப் போறீங்க... எதுக்கு லோடு வண்டி வாங்கியிருக்கீங்க?'

'சமயத்துல என் மனைவியை டபுள்ஸ் அழைச்சிட்டுப் போவேன், சார்...!'

-வி.ரேவதி, தஞ்சை.