சென்னை ஐஐடி நடத்தும் ஆன்லைன் படிப்பு...: பிசினஸ் அக்கவுண்டிங் ப்ராசஸ்!
சென்னை ஐஐடி (இந்தியன் இன்ஸ்டியூட் ஆப் டெக்னாலஜி - மெட்ராஸ்) டிஜிட்டல் ஸ்கில்ஸ் அகாடெமி சார்பாக பிசினஸ் அக்கவுண்டிங் ப்ராசஸ் என்ற படிப்பை அறிமுகப்படுத்தியுள்ளது.
சென்னை ஐஐடி (இந்தியன் இன்ஸ்டியூட் ஆப் டெக்னாலஜி - மெட்ராஸ்) டிஜிட்டல் ஸ்கில்ஸ் அகாடெமி சார்பாக பிசினஸ் அக்கவுண்டிங் ப்ராசஸ் என்ற படிப்பை அறிமுகப்படுத்தியுள்ளது. இந்த படிப்பை சென்னை ஐஐடி டிஜிட்டல் ஸ்கில்ஸ் அகாடெமி - பெங்களூருவைச் சேர்ந்த ஆர்த வித்யா அமைப்பு ஆகியவை இணைந்து நடத்துகின்றன.
நிதி மற்றும் கணக்குப் பதிவியல் துறையில் பணி செய்யும், செய்ய விரும்பும் மாணவர்கள், தொழில் சார்ந்தவர்கள் தங்களுடையதிறன்களை மேம்படுத்திக்கொள்ளும் வகையில் இந்த படிப்பு அறிமுகப்படுத்தப்பட்டுள்ளது. இது முழுவதும் ஆன்லைன் மூலம் நடத்தப்படும் படிப்பாகும்.
மேலும் ஆண்டு முழுவதும் தொடர்ந்து நடத்தப்படுகிறது. எப்போது வேண்டு
மானாலும் இப்படிப்பில் சேர்ந்து படிக்கலாம். கலந்துரையாடல் மூலம் இந்த படிப்பு நடத்தப்படுகிறது. மேலும் வேலை வாய்ப்பை மையமாகக் கொண்டு இது நடத்தப்படுகிறது.
Advertisement
படிப்பின் காலம் 8 வாரங்கள். வகுப்புகள் நடத்தப்படும் கால அளவு 54 மணி நேரம். படிப்பு காலம் முடிந்த பிறகு சென்னை ஐஐடி சார்பாக சான்றிதழ் வழங்கப்படுகிறது. கட்டணம் ரூ.9,558. இந்த சான்றிதழ் படிப்புக்கு Centre for Continuing Education, IIT Madras அனுமதி வழங்கியுள்ளது.
இந்த படிப்பானது மாணவர்கள் ஒரு அலுவலகத்தில் வேலை செய்வது போன்ற அனுபவத்தை ஏற்படுத்தும் வகையில் வடிவமைக்கப்பட்டுள்ளது என சென்னை ஐஐடி டிஜிட்டல் ஸ்கில்ஸ் அகாடெமியின் தலைவர் பேராசிரியர் கே. மங்கள சுந்தர் தெரிவித்துள்ளார்.
மேலும் நாஸ்காம் (நேஷனல் அசோசியேஷன் ஆஃப் சாஃப்ட்வேர் அண்ட் சர்வீஸ் கம்பெனிஸ்) அமைப்பின் வேலை வாய்ப்புகளுக்கு ஏற்ப இப்படிப்பு வடிவமைக்கப்பட்டுள்ளது. இந்த படிப்பானது 3 மாதங்கள் ஒரு நிறுவனத்தில் வேலை செய்த அனுபவத்தை வழங்கக் கூடியதாக இருக்கும்.
இந்த படிப்பைப் பயிலும் மாணவர்களில் பெரும்பாலானோருக்கு பன்னாட்டு நிறுவனங்களில் வேலை கிடைக்கும் வாய்ப்புகள் உள்ளன.
இந்த படிப்பு குறித்த மேலும் விவரங்களுக்கு : https://skillsacademy.iitm.ac.in/program-inner.php?courseID=18&cart= என்ற இணையதளத்தைப் பாருங்கள்.