தலைமுடி உதிர்வுக்கு தீர்வு...

தலைமுடி உதிர்வதற்கு முக்கியமான காரணமாக இருப்பது ஊட்டச்சத்து குறைபாடு தான். தலைமுடி வலுவாக இருக்க வேண்டுமானால், இரும்புச் சத்துள்ள உணவுகள் அவசியம்.

இரும்புச்சத்து நிறைந்தது கறிவேப்பிலை

இரும்புச்சத்து பல உணவுப் பொருட்களில் இருந்தாலும், கறிவேப்பிலையில் அதிகம் உள்ளது. அதனால் தான் தலைமுடி நன்கு வளர வேண்டுமானால், கறிவேப்பிலையை சாப்பிட வேண்டுமென  நம் முன்னோர்கள் கூறினார்கள். ஒருவர் எவ்வளவு கறிவேப்பிலையை உணவில் சேர்க்கிறாரோ, அந்த அளவு தலைமுடி வலிமையாக உதிராமல் இருப்பதுடன், அடர்த்தியாகவும், வேகமாகவும் வளரும். 

தலைமுடி உதிர்வதைக் கட்டுப்படுத்தும் மற்றொரு சிறப்பான வழி கறிவேப்பிலை ஜூஸ். என்ன கறிவேப்பிலை ஜூஸா என்று நீங்கள் யோசிக்கலாம். ஆம், கறிவேப்பிலையைக் கொண்டு ஜூஸ் தயாரித்துக் குடித்தால், நற்பலனை வேகமாக பெறலாம்.