பனைமரத்தில் இருந்து கிடைக்கும் அனைத்துப் பொருட்களும் பயன்மிக்கது என்பதால் பனை மரத்தை "கற்பக விருட்சம்' என்று அழைப்பர். 

பனை மரத்தில் இருந்து  கிடைக்கும் பனம்பழத்தை வெட்டி குழியில் போட்டு புதைத்து, பனங்கிழங்கு சாகுபடி செய்கிறார்கள். இது பல்வேறு மருத்துவ குணங்களை கொண்டது.

பனங்கிழங்கு குளிர்ச்சியினை தரக்கூடியது. மலச்சிக்கல் உள்ளவர்கள் பனங்கிழங்கை வேகவைத்து எடுத்து  அதனுடன் வெங்காயம், பச்சை மிளகாய் சேர்த்து  பொரியல் போன்று செய்து  சாப்பிட்டால் உடனடி தீர்வு கிடைக்கும். 

பனங்கிழங்கினை வேகவைத்து சிறுசிறு துண்டாக நறுக்கி காயவைத்து அதனுடன் கருப்பட்டியினை சேர்த்து இடித்து சாப்பிட்டால், உடலுக்கு தேவையான இரும்பு சத்து கிடைக்கும்.

பனங்கிழங்குடன் தேங்காய்ப் பால் சேர்த்து சாப்பிடும் போது உடல் உறுப்புகள் பலம் பெறும். கர்ப்பப்பை பலம் பெறும்.

பனங்கிழங்கு வாயு தொல்லை உடையதால், பூண்டு, மிளகு, உப்பு சேர்த்து மாவாக்கி சாப்பிட்டால் இதனை தவிர்க்கலாம்.

பனங்கிழங்கில் நார்சத்து உள்ளதால், நோய் எதிர்ப்பு சக்தியினை அதிகரிக்கும்.

பனங்கிழங்கினை மாவாக்கி ஓட்ஸ் தயாரித்து உண்டால் பசி தீரும். நோய்களும் கட்டுப்படும்.