கசகசா பத்து கிராம் எடுத்து மாதுளம் பழச்சாற்றில் ஊற வைத்து அரைத்துச் சாப்பிட்டால் தூக்கமின்மை பிரச்னை தீரும்.
• கசகசா, சாலாமிசிரி, பூனைக்காலி விதை, மூன்றையும் தலா நூறு கிராம் எடுத்து அரைத்துக்கொள்ளவும். இதில் ஐந்து கிராம் பொடியை தினமும் இரவில் பாலில் கலந்து குடித்து வந்தால் நரம்புத் தளர்ச்சி குணமாகும்.
• கசகசா, முந்திரிப் பருப்பு, பாதாம் பருப்பு தலா நூறு கிராம் எடுத்து அரைத்துக் கொள்ளவும். இதில் ஒரு ஸ்பூன் பொடியை காலை, மாலை சாப்பிட்டு வந்தால் உடல் வலுப் பெறும்.
• கசகசா, மாம்பருப்பு, இரண்டையும் விழுதாக அரைத்து பத்து கிராம் அளவை காலை, மாலை இரு வேளையும் தயிருடன் கலந்து சாப்பிட்டால் ரத்த பேதி, சீத பேதி போன்றவை குணமாகும்.
• கசகசா, முந்திரிப் பருப்பு இரண்டையும் சம அளவு எடுத்து பால் சேர்த்து அரைத்து முகத்தில் தடவி வந்தால் முகப்பரு மறையும். முகம் அழகு பெறும்.
• கசகசா, துத்தி இலை இரண்டையும் சேர்த்து விழுதாக அரைத்து, கால் மூட்டுகளில் பற்றுப்போட்டால் மூட்டு வலி உடனே குணமாகும்.
• கசகசா,வாழைப்பூ, மிளகு, மஞ்சள் அனைத்தையும் சேர்த்துக் கஷாயம் வைத்துக் குடித்தால் ரத்த உற்பத்தி அதிகரிக்கும்.
• கசகசா, ஜவ்வரிசி, பார்லி மூன்றையும் தலா பத்து கிராம் எடுத்து பச்சரிசியுடன் சேர்த்துக் கஞ்சி காய்ச்சிக் குடித்தால் இடுப்பு வலி குணமாகும்.
• கசகசாவை முள்ளங்கிச் சாற்றில் ஊற வைத்து அரைத்து,தேமல்,படர்தாமரை உள்ள இடங்களில் தேய்த்து வந்தால் அவை விரைவில் குணமாகும்.
• கசகசா, மிளகு, மிளகாய் மூன்றையும் பொன்னாங்கண்ணி கீரையில் போட்டுக் கடைந்து சாப்பிட்டால் கண் பார்வை கூர்மையாகும்.
• கசகசா, ஓமம், மாம்பருப்பு, மாதுளைத் தோல், சுண்டைக்காய் வற்றல் தலா 50 கிராம் எடுத்து அரைத்துக் கொள்ளவும். இதில் ஐந்து கிராம் எடுத்து கெட்டித் தயிரில் கலந்து சாப்பிட்டால் சீத பேதி உள்ளிட்ட அனைத்து வகையான பேதியும் உடனே நிற்கும்.
•  கொத்துமல்லி இருபது கிராம், கசகசா மூன்று கிராம் சேர்த்து அரைத்து சாப்பிட்டால் நன்றாக தூக்கம் வரும்.
• மாதுளம் பழச் சாற்றில் கசகசாவை ஊற வைத்து தினமும் ஒரு கிராம் அளவிற்கு சாப்பிட்டு வந்தால் சக்தி அதிகரிக்கும்.
• கசகசாவை தேங்காய்ப் பாலில் ஊற வைத்துச் சாப்பிட்டால் வயிற்றுப் புண் குணமாகும்.
"200 மூலிகைகள் 2001 சித்த மருத்துவக் 
குறிப்புகள்' }நூலிலிருந்து
சி.பன்னீர் செல்வம்