வாழைப்பூ கட்லெட் 

தேவையானவை:

வாழைப் பூ - 1 கிண்ணம்
வெங்காயம் - 50 கிராம்
கேரட் - 100 கிராம்
உருளைக்கிழங்கு - 100 கிராம்
பீன்ஸ் - 50 கிராம்
பச்சைப்பட்டாணி - 50 கிராம்
இஞ்சி - பூண்டு விழுது - 1 தேக்கரண்டி
பச்சை மிளகாய் - 2
மஞ்சள் தூள் - அரைதேக்கரண்டி
ரஸ்க் தூள் - 50 கிராம்
சோம்பு - 1 தேக்கரண்டி
எண்ணெய் , உப்பு - தேவைக்கேற்ப

செய்முறை:

வாழைப்பூவை ஆய்ந்து சுத்தம் செய்து பொடியாக நறுக்கிக் கொள்ளவும். பின்னர், வாணலியில் எண்ணெய்விட்டு சோம்பு தாளிக்கவும், அதனுடன் பொடியாக நறுக்கிய வெங்காயம், பச்சை மிளகாய், வாழைப்பூ, கேரட், பீன்ஸ், பச்சைப் பட்டாணி, இஞ்சி- பூண்டு விழுது, மஞ்சள் தூள், உப்பு சேர்த்து வதக்கி, மசித்த உருளைக்கிழங்கைச் சேர்க்கவும். பின்னர் ரஸ்க் தூள் கலந்து பிசைந்து கட்லெட் வடிவத்தில் தட்டிவைக்கவும். கட்லெட்டுகளை சூடானஎண்ணெய்யில் பொன்னிறமாகப் பொரித்தெடுக்கவும்.