சிறுவர் பாடல்: சிட்டுக் குருவி!

சின்னச் சின்ன சிட்டுக் குருவி

சிறகு விரித்து பறக்கும் குருவி

வண்ண வண்ண சாம்பல் நிறத்தில்

வனப்பாய் வானில் பறக்கும் குருவி!

கொட்டிக் கிடக்கும் தானியக் குவியலை

கூடி வந்து கூடி நின்று

தொட்டு தொட்டு கொத்தித் தின்று

கூடி பறந்து கூடு செல்லும்!

ஒன்றாய் வராமல் ஒன்றோடொன்று

சேர்ந்து வரும் சிட்டுக் குருவி

நன்றாய் செப்பும் பாடம் செவியுறுவீர்

கூடி வாழ்ந்தால் கோடி நன்மை!