ஊட்டி

 ஊட்டி மலையின் அழகைப்பாரு
 உயர்ந்து நிற்கும் சிகரம்பாரு
 காட்டில் நிறைந்த பசுமைபாரு
 காணும் கண்ணில் குளிர்ச்சிபாரு
 
 வாட்டும் வெப்பம் தணித்திடவே
 வந்து குவியும் கூட்டம்பாரு
 மேட்டுக் குடியின் மக்கள்போல்
 மேன்மை யான தோற்றம்பாரு
 
 பரந்து விரிந்த ஏரிபாரு
 படகு ஓடும் எழிலைப்பாரு
 சுரந்த நீரை மேகமுமே
 சொட்டு கின்ற மழையைப்பாரு
 
 மலையில் ஏறும் ரயிலைப்பாரு
 மகிழ்ச்சி யான பயணம்பாரு
 மலைக்க வைக்கும் காட்சிபாரு
 மனத்தில் இன்பம் பொங்கும்பாரு
 
 ஆனைக் கூட்டம் வருதுபாரு
 அதன் நடையில் மிடுக்கைப்பாரு
 வானு யர்ந்த மரங்கள்பாரு
 வளமை யான ஊட்டிபாரு!