ஆசை வை!

பள்ளிக்கூடம் செல்வதற்கு ஆசை வை! - தம்பி
பாடங்களைப் படிப்பதற்கு ஆசை வை!

துள்ளி விளையாடுதற்கு ஆசை வை! - என்றும் 
தூய்மை நலம் காப்பதற்கு ஆசை வை!

கள்ளமின்றிப் பழகுதற்கு ஆசை வை! - மிக்கக் 
கனிவுடனே பேசுதற்கு ஆசை வை! 

வெள்ளையுள்ளம் கொள்வதற்கு ஆசை வை!
வெற்றி பெற உழைப்பதற்கு ஆசை வை!

அன்னை தந்தையரை வணங்க ஆசை வை! - உனது
ஆசான் சொற்படி நடக்க ஆசை வை! 

அன்பும் பண்பும் கொண்டொழுக ஆசை வை - மக்கள்
அனைவரையும் விரும்புதற்கே ஆசை வை!