கருப்புப் பாயை விரித்ததுபோல்
சாலை இருக்குது!  ஓடும்
காரு, வண்டி ஏதுமின்றி
ஓய்ந்திருக்குது!

பரப ரப்பு ஏதும் இன்றி 
ஊர்இருக்குது!  நம்மைப்
பாதுகாக்க முகக் கவசம்
காத்திருக்குது! 

இருப்பிடத்தை விட்டுவிட்டு
வெளியில் வராமல் - வீட்டில்
இருப்பதனால் நோயின் தொற்றும்
குறைந்தி ருக்குது!

மருத்துவமும் அரசும் நம்மைக்
காத்திருக்குது!   நாமும்
மறந்தி டாமல் கைகழுவச்
சோப்பிருக்குது!

மறுத்திடாமல் வீட்டுக்குள்நாம்
இருப்பதனாலே நோயும்
மறைந்துவிடும் சீக்கிரத்தில்!
பயமும் இல்லையே!