பேதைமை

பொருட்பால்   -   அதிகாரம்  84   -   பாடல்  7

ஏதிலார் ஆரத்  தமர்பசிப்பர் பேதை 
பெருஞ்செல்வம் உற்றக் கடை

- திருக்குறள்

அறிவில்லாத ஒருவனுக்கு 
ஏராளமாய்ச் செல்வம் வந்தால் 
ஏமாற்றுவோர் பயன் பெறுவார்
உறவினர்கள் பசித்திடுவார்

உற்றார்க்கு ஒன்றும் கொடுக்கமாட்டார்
உதவிகள் ஏதும் செய்யமாட்டார்
அந்நியர் நன்றாய் அனுபவிப்பார்
சொந்த பந்தம் பசித்திருக்கும்

- ஆசி.கண்ணம்பிரத்தினம்