பாடங்கள் போதிக்கும் வள்ளியப்"பா'!

குழந்தைகள் விரும்புது பாட்டப்பா -அதைக்
    கேட்டு குதிக்குது பாரப்பா!
அழகிய கவிதைக்கு வள்ளியப்பா! -அவர் 
    ஆனந்தம் தகுகின்ற இல்லமப்பா!

குழந்தைக் கவிஞர் வள்ளியப்பா! தினம்     
    கொடுத்தார் கவிதையை அள்ளியப்பா! 
அழகு அழகு கவிதையப்பா- அது
    அரும்புகள் நெஞ்சைக் கவருமப்பா!

குழந்தையை நேசித்த உள்ளமப்பா -அவர் 
    கொடுத்த கவிதைகள் வெல்லமப்பா! 
மழைபோல் குளுமை தருமப்பா! -அவர் 
    மாணவர் நேசிக்கும் குருவப்பா!

பிள்ளைகள் பாடுது ராகமப்பா -அவர் 
    பாட்டுக்கள் பள்ளியில் பாடமப்பா! 
நல்லதைக் கூறிடும் பாடலப்பா! -இதை 
    நாளும் கற்றிட வேணுமப்பா!

பாடங்கள் போதிக்கும் கவிதையப்பா - அவர் 
    பாடல்கள் அறிவுரை கூறுமப்பா! 
நாடே போற்றும் கவிஞரப்பா! - தமிழ் 
    நாட்டுக்குப் பெருமை அழ.வள்ளியப்பா!