.
குயிலுக்கு கூடு கட்டத் தெரியாது.  "தோட்ட விலங்கு' என்ற மீனுக்கு  நீந்தத் தெரியாது. பபூன் குரங்குக்கு மரம் ஏறத் தெரியாது.  பெங்குவின் பறவைக்கு பறக்கத் தெரியாது.  ஹம்பிக் பறவைக்கு நடக்கத் தெரியாது. ஹைனா செந்நாய்களுக்குக் குரைக்கத் தெரியாது.

தமிழ்நாட்டில் சில புலவர்கள் ஊர்ப் பெயரோடு  வாழ்ந்தார்கள்.  அவர்கள் பெயரா அல்லது ஊரா என்று வேறுபாடு காண முடியாது. அவர்களின் விவரம்: அரிசில் கிழார், ஆலந்தூர்க்கிழார், ஆவூர்க்கிழார், இடைக்குன்றூர்கிழார்.

திருநாவுக்கரசர் முழங்கால் வரைதான் ஆடை அணிந்திருந்தார்.  வள்ளலார் மேனி முழுதும் மறையும்படி ஆடை அணிந்திருந்தார்.

புகழ்ப் பெற்ற எழுத்தாளர்கள் சிலரது வாழ்க்கை ரகசியங்கள்: எமிலி ஜோலா ஒரு ஏழைப் பங்காளன். ஜி.கே.செஸ்டர்டன் ஞாபக மறதிக்காரர்.  மார்க் வெயின் ஒரு நாத்திகர் மட்டுமல்ல; சாப்பாட்டுப் பிரியர்.  ஆஸ்கார் ஒயில்ட்,  எட்கர் ஆலன்போ ஆகிய இருவரும் சூதாட்ட பிரியர்கள். குடிக்கச் சொன்ன உமர்கய்யாம் குடிக்காத கவிஞர் . 

கவிஞர் வில்லியன் பிளேக் ஓவியரும்கூட!  எழுத்தாளர் ஷெல்லி எதையாவது தின்றுகொண்டேதான் எழுதுவார்.  எழுத்தாளர் சர் வால்டர் ராலே ஒரு மாலுமியும் கூட! எர்னஸ்ட் ஹைமிங்வே மீன்பிடித் தொழிலில் வல்லவர். மாப்பசான் ஆபாசமாக எழுதி,  மனநோய் பாதிக்கப்பட்ட ஓராண்டில் இறந்தார்.