இதுதான் ஆலயம்

செலுத்தும் உளியின் அழகினிலே

கல்லும் அழகாய் தெரிகிறது

சிற்பி அறிவுத் தெளிவினிலே

சிலையும் அழகுடன் சிரிக்கிறது!

-----

கல்லில் பலவகை உண்டாமே

சொல்லும் சுவை தர பேசுமாம்

நாத ஒளியும் கேட்குமாம்

நட்பாய் நலமுடன் சிரிக்குமாம்!

-----

வேத மந்திரம் ஓதியுமே

வியத்தகு சாதனை புரிவாரே

தோஷ மின்றி கடவுளென

கருவறை உள்ளே வைப்பாரே!

-----

திடமாய் திருப்பணி செய்வாரே

குடமுழுக்கு செய்ய மக்களையும்

ஒன்று சேர்த்து வைப்பாரே

இதுதான் ஆலயம் என்பாரே!

ஆரிசன், கீழ்க்கொடுங்காலூர்.